شرم الشيخ مؤتمر الوفاق العالمي

أنا سعيد جدا كل مشاكل العالم اتحلت اليوم

مصر لغت كل ديون العراق هو مش مبلغ اوي 800 مليون دولار بس بصلة المحب خروف فين أيام ما كان العراق عراقا وكان الدينار دينارا
وأنا مش عارف هي ديون العراق لمصر كانت مقابل إيه بس يمكن فلوس العمالة تحويلات العمالة اللي ضاعت عليهم
اللذيذ بقة إن السعودية ما لغتش بل خفضت يعني أول مرة إحنا نتفوق عليهم في حاجة فيها فلوس
وبعدين رايس قابلت وليد المعلم وزير خارجية سوريا واتناقشوا عن العراق لا سمح الله لم يتناقشوا عن لبنان ولا المسار السوري الإسرائيلي في مباحثات ولا مفاوضات السلام
بيعجبوني الناس دول في فصل المودز عن بعضها وعيشة السياق اللي هم فيه يعني ممكن دولة تلاعب دولة عدوة كورة ويسلموا على بعض بروح رياضية مشكلة لبنان اللي مدوخة الدنيا ومزعلاهم من سوريا لم تذكر
رايس بقة سلمت على متكي (اللي بيقولوها ساعات متقي) تبادل مرحبا مش مباحثات ولا حاجة
والشهادة لله الراجل ده ماحدش يقدر يزعل منه لأنه مفاوض ذكي جدا ويجيد الكر والفر
خذوا بالكم وما تنسوش إن فيه خبر كدة من يومين إن بيلوسي تطلب تأشيرة دخول لإيران عشان تتفاهم معاهم
وعندك وزيرة خارجية بريطانيا أجرت مفاوضات مع متكي برضة وبتقول فيه أفق لعلاقات جيدة مع إيران ماشاء الله نسينا أزمة البحارة بسرعة
ناهيك بقة عن الموضوع المزمن بتاع النووي الإيراني أنا باهدي النفوس بس

تنبيه لمن لا يعلم مؤتمر شرم الشيخ الغرض منه بحث إعادة إعمار العراق ودعم استقرار الحكومة العراقية يعني زي مانا باكد دايما الهدف أن يدار العراق من وراء جدر